Pretendonte se kishte vaksinuar qindra fëmijë – Infermierja gjobitet me mbi gjysmë milioni euro

Gjykata e Auditorëve të Friuli Venezia Giulia ka dënuar ndihmësen shëndetësore të Spresianos, Emanuela Petrillo me më shumë se gjysmë milioni euro dëmshpërblim për kompaninë shëndetësore Friuliane.

Gruaja akuzohet se në periudhën që ka shërbyer në Codroipo (Udine), nga viti 2009 deri në 2015, nuk ka administruar qindra doza vaksine kundër sëmundjeve më të zakonshme të fëmijëve, duke e përsëritur sjelljen edhe më vonë, në zonën e Trevisos.

Paolo Salandin, avokati mbrojtës i Emanuela Petrillo pretendon se e ka të pashpjegueshme arsyen pse gjyqtarët administrativë venecianë pezulluan vendimin në pritje të vendimit të magjistraturës penale, ndërsa ajo e rajonit fqinj e parashikonte, megjithëse nuk mund të kishte efekt të paktën deri në vendimin e Gjykatës së Udines.

Aq më tepër arsyeja, vijon avokati, po të kemi parasysh se “disa nga mosmarrëveshjet mund të parashkruheshin para një vendimi përfundimtar” dhe se në Friuli, ndryshe nga ajo që ndodhi në provincën e Trevisos, “të gjithë fëmijët që dyshoheshin se nuk ishin nënshtruar profilaksisë, janë rivaksinuar sipas detyrës zyrtare, pa verifikuar praninë ose mungesën e antitrupave dhe për rrjedhojë pa mundur të pretendojnë me siguri se Petrillo nuk do t’i kishte administruar dozat”. ANSA

E . S / SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.