Prezantoheshin si punonjës policie me dokumente të falsifikuara – Policia arreston 1 shtetas dhe procedon në gjendje të lirë 1 tjetër

Policia e Shtetit ka njoftuar se është finalizuar operacioni i koduar “Kompetencat”, falë të cilit është arrestuar një shtetas dhe është proceduar në gjendje të lirë një tjetër pasi përdornin dokumente të falsifikuara duke u prezantuar si punonjës policie.

Sipas njoftimit Seksioni për Krimin Ekonomik dhe Financiar, në bashkëpunim me Sektorin e Forcës së Posaçme “Shqiponjat”, në kuadër të operacionit policor të koduar “Kompetencat”, arrestoi shtetasin:

– J. M., 42 vjeç, banues në Tiranë dhe,

-Gjithashtu u procedua në gjendje të lirë shtetasi P. H., 53 vjeç.

Policia bën me dije se këta dy shtetas, në bashkëpunim me njëri-tjetrin përdornin dokumente të falsifikuara, duke u prezantuar si punonjës policie.

Materialet i kaluan për veprime të mëtejshme Prokurorisë së Rrethit Gjyqësor Tiranë, për veprat penale “Falsifikim i dokumenteve” dhe “Përvetësimi i titullit apo i detyrës shtetërore”.

SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.