Produkte të paetiketuara në gjuhën shqipe dhe dhunë ndaj inspëktorëve/ AKU sekuestron mbi 5000 shishe lëngje frutash dhe gjobit subjektin me 300 mijë lekë!
Autoriteti i Kontrrollit Ushqimor ka njoftuar se gjatë inspektimit të kryer në një subjekt ushqimor në Berat, administratori i saj ka ushtruar dhunë ndaj trupës inspektuese. Ky inspektim u krye pasi indicios së ardhur nga konsumatorët për tregtimin e produkteve të paetiketuara në gjuhën shqipe, dhe gjatë kontrrolit u konstatua tregtimi i produkteve të pasigurta për konsum human, pasi subjekti nuk dispononte sistemin e gjurmueshmërisë si dhe u evidentuan 2184 shishe x 125 ml suko pjeshke dhe 2112 shishe x 200ml suko pjeshke në ambalazh TETRAPAC, të papajisura me etiketim në gjuhën shqipe, bën me dije AKU.
Gjendur në këto kushte përfaqësuesi i subjektit ka përkeqësuar situatën duke ushtruar dhunë ndaj inspektorëve ( pamje të regjistruara dhe nga kamerat e subjektit), njofton AKU.
Trupa inspektuese kërkoi mbështetjen e forcave të Policisë së Shtetit, e cila shoqëroi në polici përfaqësuesin e subjektit duke mundësuar kryerjen e inspektimit normal nga inspektorët, dhe për shkeljet e konstatuara në subjekt trupa inspektuese mori masat administrative përkatësisht:
1) Masë administrative “gjobë” me vlerë 100,000 lekë për etiketim në kundershtim me ligjin,
2)Masë administrative “gjobë” me vlerë 100,000 lekë për mungesë të sistemit të gjurmueshmërisë,
3) Masë administrative “gjobë” me vlerë 100.000 mijë lekë për pengimin e procesit të inspektimit.
“Gjithashtu nga ana e trupës inspektuese është bërë dhe kallëzimi pranë instancave përkatëse për dhunën e ushtruar ndaj tyre nga ana e subjektit. Autoriteti Kombëtar i Ushqimit në përputhje të detyrës së tij ligjore dhe në kuadër të luftës si pjesë e Task Forcës për parandalimin e përhapjes së Covid 19 nuk do të lejojë asnjë rast abuzimi me çmimet dhe sigurinë ushqimore në vend,” shkruhet në njoftim.
SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.