Projektet e reja të 2018! Nga linja ajrore shqiptare, muzeu nënujor, Qendra e re e Shërbimeve e akset e reja rrugore.Lista e kontratave të pritshme
Gjatë vitit 2018, për Shqipërinë janë paralajmëruar një serë projektesh të reja, një pjesë e të cilave të parashikuara në buxhetin e këtij viti e një pjesë tjetër të deklaruar nga autoritetet shtetërore. Gjatë vitit 2018 është paralajmëruar ngritja dhe nisja nga puna e një kompanie ajrore shqiptare. Pak muaj më parë, kryeministri ka publikuar edhe një foto të një avioni që ka si logo flamurin shqiptar për të njoftuar se ideja po konkretizohet dhe se për pak kohë mund të jetë një realitet për Shqipërinë.
Ndërsa projekti për linjën ajrore mbështetet të deklarimet publike, ato për infrastrukturën rrugore janë parashikuar në buxhetin e vitit 2018. Këtë vit, në buxhet është parashikuar dhënia me koncesion e ndërtimit dhe operimit të Spitalit Rajonal të Fierit. Po ashtu, edhe një serë aksesh rrugore janë parashikuar të ndërtohen më të njëjtën praktikë.
Në buxhet është parashikuar dhënia me koncesion e ndërtimit dhe operimit të akseve rrugore:
Tiranë-Thumanë-Vorë
Kardhiq-Delvinë
Kashar–Rrogozhine
Milot–Balldren
Orikum–Himare
Rruga e Arbrit
Krahas projekteve të mësipërme, gjatë këtij viti është parashikuar të nisë investimi për ndërtimin e një muzeu nënujor. Po ashtu, një projekt investimi tjetër të ri është edhe ndërtimi i Qendrës së Shërbimeve Publike të Integruara në Tiranë.
Ndërkohë, në buxhetin e këtij viti janë parashikuar edhe fondet përkatëse për vijimin e investimeve që janë në proces nga vitet e mëparshme.
SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.