Pse Trump nuk vesh asnjëherë maskë sigurie në publik? – Sepse trembet se ajo do t’i dëmtojë mundësinë për rizgjedhje
Presidenti Donald Trump është i shqetësuar se veshja e një maske për fytyrën në publik mund të prishë mundësinë e tij për rizgjedhje, njoftoi Associated Press të enjten.
Presidenti nuk është parë kurrë të veshë një maskë në publik, dhe të martën ai u kritikua për mos veshjen e saj, duke shkuar kundër udhëzimeve të Qendrës për Kontrollin dhe Parandalimin e Sëmundjeve dhe një rregulli që kërkon që punëtorët në fabrikë t’i veshin ato.
Trump ka thënë gjithashtu se veshja e një maske për fytyrën do të “dërgonte mesazhin e gabuar” se ai është më i përqendruar në shëndetësi, sesa në rihapjen e ekonomisë, që ndihmësit e tij mendojnë se është thelbësore për fitoren e tij në nëntor.
Një nga zyrtarët shtoi se Trump kishte frikë se ai mund të dukej qesharak duke veshur një maskë për fytyrën dhe se imazhi mund të përdoret kundër tij në reklama politike gjatë fushatës.
Kjo nuk është hera e parë që Trump ka dalë publikisht kundër udhëzimeve të sigurisë në lidhje me koronavirusin.
D.B – SCAN
Burimi: Business Insider
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.