Raketa SN8 përplaset gjatë rikthimit në tokë – Elon Musk: “Mars, po vijmë!”
Raketa e koduar me emrin SN8 është rrëzuar gjatë uljes në Tokë. Mjeti i gjatë 50 metra i Elon Musk bëri një fluturim të shkurtër 12.5 kilometra. Sipas Musk, përpos “aksidentit”, arritja e shëtitjes së prototipit në provë ishte e kënaqshme.
Para fluturimit, miliarderi i teknologjisë kishte zbehur pritshmëritë, duke paralajmëruar ndjekësit e tij se pritej ndonjë fatkeqësi të mundshme.
Sidoqoftë, Musk shpreson shumë te “Starship” kur të zhvillohet plotësisht. Ai thotë se është e ardhmja për kompaninë e tij “SpaceX”.
Starship do të nisë njerëz dhe ngarkesa në orbitë dhe sipërmarrësi gjithashtu parashikon që mjeti të udhëtojë në Hënë dhe Mars.
CEO i SpaceX vlerësoi ekipin e tij, duke shtuar se demonstrata ka marrë “të gjitha të dhënat që duheshin”.
“Mars, po vijmë!” shkroi Musk në profilin e tij në Twitter.
Struktura e “Boca Chica” ka zhvilluar një linjë prototipesh gjithnjë e më komplekse. Filozofia ka qenë që të provohet çdo përsëritje, derisa të dështojë. Ndonjëherë, edhe në mënyrë shpërthyese.
SN8 ishte raketa e parë që provoi një fluturim suborbital në atë lartësi.
Në qershor të këtij viti, Musk deklaroi se Starship ishte tani përparësia e tij numër një, përtej raketave “Falcon” që ai bën aktualisht për kompanitë satelitore, Forcën Ajrore të SHBA-së dhe agjencinë hapësinore të SHBA-së (Nasa).
Ai beson se koncepti Starship mund të transformojë ekonominë e fluturimeve hapësinore. Specifikimet kërkojnë që më shumë se 100 tonë të ngrihen në orbitën me tokë të ulët.
Kjo masë mund të përfshijë satelitë, njerëz dhe madje pajisje për të ndërtuar baza në Hënë dhe në Mars.
Nasa tashmë i ka kërkuar Musk-ut të shqyrtojë mundësinë e uljes së një Starship-i në sipërfaqen hënore në vitet e ardhshme.
Sidoqoftë, sipërmarrësi ka në mendje një objektiv më të lartë dhe një afat më të shpejtë kohor. Duke marrë një çmim javën e kaluar nga grupi botues dixhital i Gjermanisë, “Axel Springer SE”, ai tha se synon të ketë njerëz në Mars, në katër deri në gjashtë vitet e ardhshme.
CEO i SpaceX është i famshëm për “axhendën” e tij agresive dhe tepër optimiste. Sidoqoftë, Musk e ka zakon të provojë që kritikët gabojnë, duke arritur përfundimisht qëllimet e tij.
Burimi origjinal: BBC
Përshtati në shqip: SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.