Rama me fermerët në Librazhd: Bashkohuni për të patur sukses, kultivoni çfarë kërkon tregu
Në buxhetin e ri të qeverisë i është kushtuar një vëmendje të veçantë fshatit dhe bujqësisë. Por që këto para të kthehen në rezultate, sipas kryeministrit Ram duhet që fermerët të jenë bashkë në vendimmarrje. Gjatë një takimi me fermerët ne Librazhd, kryeministri iu bëri thirrje të bashkojnë idetë në vendimmarrje dhe prodhimtari.
“Në buxhetin e ri i kemi kushtuar vëmendje fshatit dhe bujqësisë. Sfida është qe këto para të kthehen ne projekte të realizuara, në rritje të mëtejshme të eksporteve dhe te ekonomisë fshat dhe familjeve që punojnë tokën. Kudo ku ka sukses sot në Shqipëri, suksesi është rezultat i bashkimit të fermerëve. Jo të bashkojmë tokat, por mendjet, dhe forcat secili në tokën e vet, secili në ato dynym apo ato hektarë që ka. Por ama me një ndërveprim dhe një vendimmarrje, çfarë do prodhojmë dhe do e shesim sëbashku. Nëse jemi të ndarë, dy dynym këtu, tre atje jemi pre e grosisteve që vijnë dhe o na e marrin për 5 lekë ose nuk na i marrin fare. Apo më keq akoma jemi pre e paditurisë me prodhime që na ngelen nëpër shtëpia që kalben dhe hidhen në lumë”.
Rama tha se fermerët duhet të dinë se çfarë kërkon tregu, dhe çfarë mund të kultivojnë në tokat që kanë.
“Në bujqësi historia e zhvillimeve në BE dhe kudo ku ka suksese tregon se është dija e para, të dish, të jesh i informuar se çfarë kërkon tregu, çfarë është më e mira që mund të bëhet në këtë zonë dhe pastaj të jesh i bashkuar në shitje në mënyrë që të ofrosh sasi të madhe dhe të kontrollosh ti çmimin jo të vinë të ta vendosin të tjerët çmimin edhe të kapin në hall se mund të të mbetet malli”.
E.Z/SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.