Rastet në Francë kalojnë 30,000 – Veran: Jemi në mes të valës së pestë të pandemisë!

Franca ka regjistruar mbi 30,000 raste të reja me Covid-19 në 24 orët e fundit për të parën herë që prej muajit Gusht, sipas ministrit të Shëndetësisë Olivier Veran. Ditën e Hënë, Franca raportoi 5,266 raste të reja, ç’ka ishte një rritje me 63% nga e Hëna e kaluar më 16 Nëntor, duke e çuar mesataren lëvizëse 7-ditore  në thuaje 18,500.

Shifra në 30,000 për Francën është më e larta që prej 30,920 të raportuara më 8 Gusht, që ishte dhe numri më i lartë i valës së mëparshme.

Mesatarja 7- ditore ra pësëri në 4,172 më 9 Tetor, por që prej atëherë, është rritur gradualisht dhe më 10 Nëntor, me një mesatare prej mbi 9,000, Veran tha se Franca po hyn në valën e pestë të epidemisë.  Rekordi më i madh i pandemisë në vend ishte 86,852 më 7 Nëntor 2020.

Numri i rasteve në njësitë intensive në Francë u rrit gjithashtu në 24 orët e fundit në 1,455, apo me 49 nga dita e Hënë.

SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.