Rimëkëmbet “Made in Germany”/Rriten porositë industriale nga brenda dhe jashtë vendit

Porositë për mallrat industrialë në Gjermani u rritën më shumë se sa pritej në Shtator, duke dhënë pak lehtësim për sektorin e manifakturës në ekonominë më të madhe të Europës.

Prodhuesit gjermanë të varur nga eksportet kanë pësuar goditje nga ngadalësimi i ekonomisë botërore, lufta tregtare dhe pasiguria në lidhje me Brexit.

Kontratat për mallrat “Made in Germany” u rritën me 1.3% nga muaji i kaluar, ndërkohë që pati rritje të kërkesës si brenda dhe jashtë vendit, sipas zyrës Federale të Statistikave.

Ministria e Ekonomisë bëri të ditur se shifrat përbëjnë një nisje pozitive për tremujorin e katërt të vitit, ndërkohë që ndjesia e bizneseve është përmirësuar gjithashtu.

Ekonomia u tkurr me 0.1% në tremujorin e dytë dhe të dhënat e fundit tregojnë për një tkurrje edhe në të tretin, ç’ka do ta çonte gjermaninë në recesion.

Rezultati për rritjen e Produktit të Brendshëm Bruto në tremujorin e tretë nuk është publikuar ende. Kërkesa e brendshme u rrit me 1.6% ndërsa kontratat nga jashtë u shtuan me 1.1%.

SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.