Rritet papunësia në Gjermani-Ekonomia e nis vitin përballë sfidave të shumta
Papunësia në Gjermani është rritur në fund të 2019-ës, duke treguar se ekonomia më e madhe e Europës vazhdon të ketë probleme, ndërkohë që manifaktura është tkurrur dhe Qeveria ka këmbëngulur se nuk duhen injektuar stimuj fiskalë.
Numri i personave jashtë tregut të punës u rrit me 8,000 në Dhjetor, sa dyfishi i projeksioneve. Megjithatë, norma e papunësisë mbeti e pandryshuar në 5%, që është nivel rekord i ulët.
Fabrikat gjermane kanë pësuar goditjen më të madhe në një dekadë gjatë vitit të kaluar, ndërkohë që Brexit dhe lufta tregtare mes Kinës dhe Shteteve të Bashkuara ndikuan tek eksportuesit gjermanë. Një tjetër faktor ka qenë sfida e prodhuesve të makinave me tranzicionin drejt makinave elektrike.
Kjo ka bërë që Banka Qendrore Europiane të prezantojë stimuj të rinj fiskalë dhe t’i bëjë thirrje qeverive me hapësirë fiskale, si Gjermania, që të shpenzojnë.
Projeksionet e fundit të Bundesbank tregojnë se kërkesa e brendshme do të goditet nga ngadalësimi i tregut të punës. Banka Qendrore përgjysmoi projeksionet për vitin 2020 dhe pret tashmë një rritje me vetëm 0.6%.
Klevis Llaha/SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.