Rritja më e madhe e pagave në 10 vite – Britani, punëdhënësit më të mëdhenj, 2.6% rritje
Punëdhënësit më të mëdhenj britanikë i dhanë stafit të tyre një rritje mesatare pagash prej 2.6% në tremujorin e dytë të vitit, tregojnë të dhënat më të fundit që vijnë nga ishulli.
Ky është hapi më i madh i rritjes në 10 vitet e fundit. Ujditë vjetore të pagave në Britaninë e Madhe filluan të rriteshin ndjeshëm një vit më parëm pasi papunësia preku nivelin më të ulët që prej viteve `70.
Kjo gjë, detyroi punëdhënësit që të rrisnin pagat në mënyrë që të mbanin stafin. Por gjithsesi, ujditë për rritjen e pagave kanë ngecur në një rritje prej rreth 2.5% gjatë muajve të fundit.
Të dhënat më të fundit, që flasin për 2.6% rritje, janë rezultati më i mirë që prej Dhjetorit të vitit 2008.
Ekspertët nga ana tjetër theksojnë se është shumë shpejt për të thënë që ka nisur cikli i rritjes së shpërblimeve në punë.
Roel Korkuti / SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.