Sezoni turistik 2018, Rama: Të dhënat pozitive. Pritet impakt më i fortë në ekonomi

Sezoni turistik i këtij viti pritet të këtë një impakt më të fortë në rritjen ekonomike të vendit.

Sipas kryeministrit Edi Rama pritet që numri i vizitorëve të jetë shumë herë më i lartë se viti i kaluar dhe kjo falë promovimit të turizmit të Shqipërisë në botë. Kjo deklaratë e kryeministrit u bë gjatë lancimit të projektit “Smile Albania”.

Rama nënvizoi si të rëndësishëm pastrimin e vendit për zhvillimin e turizmit, kryeministri u ndal dhe te projekti për rilindjen urbane sipas të cilit ka ndikuar në rritjen e kapaciteteve akomoduese për shumë qytete me potencial turistik.

Ministri i Turizmit dhe Mjedisit Blendi Klosi shprehu qëndrimin për të vijuar pastrimin.

Projekti i “Smile Albania” parashikon organizimin e 1000 të rinjve për të mirëpritur vizitorët në pikat hyrëse të vendit dhe në vijën bregdetare përgjatë muajve korrik dhe gusht.

Nertila Doko/SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.