Shenjat që tregojnë se po paguheni shumë pak në punë
Sipas Studimit Global të Punës për vitin 2016, i cili ka anketuar më shumë se 31,000 punonjës në mbarë botën, pothuajse gjysma e punonjësve paguhen më pak krahasuar me punëtorët që bëjnë punë të ngjashme në kompanitë e tjera.
Ne do t’ju tregojmë disa nga shenjat që tregojnë ju paguheni më pak se sa mund të meritoni.
Një punë e ngjashme në faqen e internetit të kompanisë ofron pagë më të lartë
Nëse ka shumë pozicione të ngjashme në kompaninë ku ju punoni, dhe paga që ofrojnë është më e lartë, kjo është një nga shenjat më të dukshme që ju po paguheni shumë pak. Qëndroni gjatë gjithë kohës duke parë postimet e punës që kompania ku ju punoni publikon dhe të shikoni se sa paguhen punonjësit e rinj dhe krahasojeni pagën që ju merrni me potencialin dhe përvojën që keni.
Të ardhurat e firmës janë rritur, por paga juaj mezi ka ecur përpara
Nëse kompania ku ju punoni ka pasur rritje me 20% në vit, por paga juaj nuk është rritur ju do të keni argument më të fortë për të kërkuar rritje.
Paga juaj e parë ishte nën nivelin e tregut por edhe ajo aktuale nuk ka ndryshuar shumë
Duhet të mendoni përsëri për pagën e parë që keni marrë edhe pse ishte shume pagë e vogël, ndoshta kjo gjë ka ardhur pasi ju e keni pasur tepër të nevojshme të punoni dhe keni punuar për pak para. Nëse keni avancuar në punë dhe ndiheni akoma më të aftë dhe paga nuk ka ndryshuar, duhet të kërkoni të paguheni më shume.
Niveli juaj i përgjegjësisë është rritur, por paga juaj jo
Nëse shefi juaj vazhdon të shtojë detyrat, dhe ju jep punë shtesë dhe sidomos përgjegjësitë më të mëdha pa ndonjë rritje në kompensim apo edhe pa një diskutim në lidhje me të, kjo mund të jetë një shenjë që nuk ju paguajnë mjaftueshëm.
Dështimi për të negociuar për pagën tuaj mund t’ju kushtoj më shumë një milion dollarë gjatë gjithë karrierës suaj.
Përshtati: Ylber Shehu/SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.