Shërbimi i bankingut në internet – Eurostat: Rritje e shpejtë në vitet e fundit, përdoret nga 51% e të rriturve

Bankingu në internet ka marrë shtrirje të gjerë në Bashkimin Europian, ndërkohë që përdoret nga 51% e europianëve.  Kjo përqindje po rritjet në mënyrë të vazhdueshme dhe është dyfishuar që prej vitit 2007, ku qëndronte në 25%.

Në personat në moshën 25-34 vjeç, bankingu në internet është tejet i zakontë dhe përdoret në masën 68%. Përdorimi i këtij shërbimi ka korelacion pozitiv me nivelin e edukimit të përdoruesit.

Ndërkohë që vetëm 24% e atyre me edukim të ulët përdorin shërbimin e-banking, te europianët me edukim të lartë, përdoret në masën 77%.

Ndër vendet anëtare të Bashkimit Europian, bankingu online është më i zakonshëm në Danimarkë ku 90% e njerëzve në moshën 16-74 vjeç janë përgjigjur se e përdorin, sipas të dhënave të Eurostat.  Më pas vjen Holanda, në masën 89%, ndjekur nga vendet Nordike.

Përqindja më e ulët është regjistruar në Bullgari, në 5%, ndjekur nga Rumania me 7%. Më pak se 30% e personave në moshën 16-74 vjeç e përdorin bankingun në internet në Greqi dhe Qipro.

Klevis Llaha/SCAN 

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.