Shkurtimi i taksës për korporatat – Linja ajrore shpërblen punonjësit me 1 mijë dollarë
Linja ajrore JetBlue po i jep punonjësve një bonus prej 21 milion dollarësh, për shkak të shkurtimit të taksës së korporatave.
Të gjithë 21.000 punonjësit e linjës ajrore do të marrin shpërblim prej 1.000 dollarësh, me përjashtim të CEO-ve dhe zëvendëspresidentëve ekzekutivë.
Linja ajrore tha se shpërblimet do të aplikohen për anëtarët e ekuipazhit të punësuar deri më 31 dhjetor 2017, dhe ato do të paguhen deri në fund të shkurtit.
“Ne besojmë se këto ndryshime tatimore do të jenë pozitive për kompaninë tonë dhe do të na ofrojnë mundësi për të bërë gjëra të mira për anëtarët tanë të ekuipazhit, klientët dhe aksionerët”, tha Robin Hayes, CEO i JetBlue.
Republikanët në Kongres dhe Presidenti Trump miratuan një ligj të ri muajin e kaluar që ul normën e tatimit në korporata nga 35% në 21%.
Linjat ajrore të tjera kanë njoftuar shpërblime të ngjashme.
American Airlines (AAL) ka deklaruar më herët se edhe ajo po shpërblen me 1,000 dollarë 130,000 punonjësit e saj. Po ashtu edhe Southwest Airlines (LUV) tha se po shpërblen me 1,000 dollarë çdo punonjës me kohë të plotë dhe me kohë të pjesshme.
E.Z/SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.