“Më shumë cicërima por me gjatësi si më parë – Shtimi i karaktereve nuk ndikon në gjatësinë e cicërimave të Twitter
Edhe pse Twitter mendoi se shtimi i cicërimave do t’u mundësonte njerëzve një liri më të madhe shprehjeje, mesa duket cicërimat me 280 karaktere nuk paskan qenë aq të nevojshme.
Gjatë një komunikimi me investitorët ditën e djeshme, CEO i Twitter Jack Dorsey tha se shtimi i karaktereve të cicërimave nuk ka ndryshuar në të vërtetë gjatësinë e mesazheve që njerëzit po publikojnë.
Mesatarisht gjatësia e postimeve është 50 karaktere. Por edhe pse gjatësia e cicërimave që njerëzit postojnë nuk ka ndryshuar, rrjeti social konfirmoi se shpeshtësia e cicërimave është rritur, si dhe numri i përmendjeve gjatë një cicërime.
V.H/SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.