Si do të jetë moti gjatë kësaj jave?! – SHMU: Kushte të paqëndrueshme atmosferike në të gjithë vendin
Shërbimi Meteorologjik Ushtarak bën me dije se të ndikuar nga kushte të qëndrueshme atmosferike kjo javë pritet të ketë ditë plot me diell dhe mot të kthjellët gjatë dy ditëve të para por nuk do të mungojnë alternimet e vranësirave kalimtare nga orët e mesditës deri ato të pasdites.
Sipas njoftimit në relievet e larta malore këto vranësira do të shoqërohen me reshje shiu të dobëta ndërsa për ditën e Mërkurë dhe atë të Enjte moti parashikohet i kthjellët në të gjithë territorin.
SHMU njofton se java do të mbyllet me ditën e Premte me mot fillimisht të kthjellët por me kalimin e orëve shtim vranësirash ndërsa në orët e vona të mbrëmjes ne veriperëndim parashikohen reshje shiu të herëpashershme me intensitet të ulët dhe mesatar.
SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.