Si mbahet “nën kontroll” çmimi i naftës? – Duro: Qeveria dhe Konkurrenca vëmendje të shtuar. Hapsirat ku mund të ndërhyhet

Rritja e çmimit të naftës ndikon direkt në rritjen e kostove të prodhimit për bizneset shqiptare dhe të çmimeve finale për konsumatorët. Në një intervistë për TV SCAN, eksperti i ekonomisë dhe pedagogu Enton Duro shprehet se qeveria duhet të tregojë vëmendje të shtuar ndaj kësaj situatë dhe të bëjë ndërhyrje të mirëmenduara. Sipas tij pezullimi i  përkohshëm i taksës së qarkullimit apo karbonit është një ndërhyrje pa shumë kosto për buxhetin.

Nga ana tjetër tarifat që aplikohen nga kontratat koncesionare të markimit dhe scanimit të karburanteve, sjellin dhe një kosto më të lartë për litër. Sipas Duros duhet të bëhet një analizë e efektshmërisë së tyre dhe më tej të merret vendimi nëse është i nevojshëm rinovimi, duke qenë se afati i këtyre PPP-ve është drejt përfundimit.

Nga ana tjetër, eksperti i ekonomisë, thekson se në këtë situatë, Autoriteti i Konkurrencës duhet të ndërmarrë një hetim të theluar në tregun e karburanteve ëpr të kuptuar nëse kërcimi i shpejtë i çmimeve ishte abuzim në kurriz të konsumatorëve.

Elisabeta Dosku / SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.