Si mund të evitoni zënkat e të kundërshtoni dikë pa u dukur arrogant
Kundërshtimet janë të pashmangshme, sidomos në ambientet e punës. Shpesh herë ato zhvillohen në zënka, megjithatë kjo nuk duhet të sjellë tërheqjen tuaj nga debati, sidomos kur mendoni se keni të drejtë. Në vend se të tërhiqeni, ajo që duhet të bëni është të tregoni kujdes në debat e mos ta bëni atë në gjaknxehtësi e sipër. Kështu, këto janë disa hapa se si mund të kundërshtoni dikë, duke evituar zënkat:
Përpiquni t’i shihni gjërat sidomos nga këndvështrimi i personit tjetër, sa do gabim që mund ta ketë ai.
Mundohuni, ku është e mundur, të kundërshtoni në mënyrë të tërthortë dhe me shumë kujdes, pa ofenduar personin që keni përballë.
Edhe nëse dëshironi të jeni të drejtpërdrejtë, përpiquni të përdorni fjalë të buta, pasi ato nuk do t’i rëndojnë shumë personit tjetër.
Kur të kundërshtoni, gjeni dhe vini në dukje në radhë të parë pikat e përbashkëta që keni, pasi kjo do t’iu bëjë më mirëkuptues karshi personit tjetër.
Dosti Banushi – SCAN
Burimi: Business Insider
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.