Siguria ushqimore në kohën e COVID-19/ AKU vendos 10 masa administrative dhe mbi 20 mostra për analiza në të gjithë vendin

Autoriteti Kombëtar i Ushqimit vijon inspektimin e subjekteve ushqimore në garantim të sigurisë ushqimore si dhe monitorime në zbatim të masave të marra për mbrojtjen nga përhapja e Covid-19.

Sipas njoftimit janë kryer 113 monitorime dhe kontrolle zyrtare, nga të cilat:

• Në Tiranë, janë marrë 10 masa administrative “paralajmërim” si dhe janë marrë 9 mostra gjatë kontrolleve zyrtare për kryerjen e analizave laboratorike.
• Gjatë inspektimeve në Korçë janë marrë mostra për analizim dhe përkatësisht 8 mostra për analizim në dy subjekte përpunimi mishi.
• Ndërsa në Berat janë marrë 6 mostra në fermerë dhe magazina grumbullimi fruta-perimesh për prani të pesticideve.

Këto inspektime janë kryer në bashkëpunim me Drejtorinë Vendore të Policisë dhe Agjensisë Rajonale të Ekstensionit Bujqësor (AREB). Për sa i përket masave të marra për parandalimn e Covid-19, gjatë monitorimeve është vërejtur zbatim rigoroz i masave të marra kundër përhapjes së Covid -19, si përdorimi i maskave, dorezave, afishimi i planit të masave si dhe ruajtja e distancimit fizik.

Autoriteti Kombëtar i Ushqimit në përputhje edhe me legjislacionin në fuqi, është i pranishëm në të gjithë vendin në mbrojtje të shëndetit të konsumatorëve.

SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.