Sulm terrorist nëpërmjet hakerimit! 100-fishon kimikatet e ujit të pijshëm të qytetit për të helmuar banorët

Një haker kompjuterësh ka ndërhyrë në sistemin e ujit të një qyteti në Florida dhe është përpjekur të “pompojë” një sasi të rrezikshme lëndësh kimike. Hakeri rriti sasinë e hidroksidit të natriumit në sistemin e posaçëm të ujit, por një punëtor arriti të dallojë ndryshimin e bërë dhe ndaloi veprimin.

Ende nuk është bërë asnjë arrestim dhe nuk dihet nëse sulmi është bërë nga brenda apo jashtë Shteteve të Bashkuara. Operatori i impiantit është shprehur se ka parë përpjekjen për të hyrë në sistem, por ka supozuar se bëhej fjalë për mbikëqyrësin e tij, sipas Tampa Bay Times.

Sidoqoftë, më tej gjatë ditës, hakeri bëri një tjetër tentativë “të frikshme”, duke u future në softuerin e ujit dhe duke rritur përmbajtjen e hidroksidit të natriumit me 111- fish. Hidroksidi i natriumit është përbërësi kryesor në pastrimin e ujit. Përmbajtja e tepruar e tij mund të shkaktojë acarim të lëkurës dhe syve, së bashku me humbjen e përkohshme të flokëve.

Pirja e ujit me një përmbajtje të tillë të pakontrolluar, mund të shkaktojë dëmtim të gojës, fytit dhe stomakut, si dhe të shkaktojë të vjella, të përziera dhe diarre. Fabrika e Oldsmar siguron ujë për bizneset dhe rreth 15.000 banorë. Programi i aksesit në distancë në sistemin e ujit është çaktivizuar përkohësisht, për shkak të sulmit të bërë.

Burimi origjinal: BBC

Përshtati në shqip: SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.