“Sulmohet” ligji “për rininë” – Deputetët: Nuk adreson nevojat për punësim dhe përshtatjen me tregun e punës

Projektligji “Për rininë” i propozuar nga qeveria shqiptare nuk adreson nevojat që ata kanë për punësim, si një nga problemet më të mëdha të tyre.  Gjatë diskutimeve në Kuvend, deputetët e Komisionit të Shëndetësisë kanë kërkuar që ky ligj të rregullojë më mirë edhe çështjen e kuotave të pranimit në universitete, por edhe fokusimin te të rinjtë që vijnë nga grupe të marxhinalizuara.

Shqetësime pati edhe mbështetja me buxhet nga njësitë e qeverisjes vendore, për sa kohë bashkitë kanë nevoja më emergjente se të rinjtë.

Projektligji i propozuar nga Ministria e Arsimit përfshin grupmoshën 15-29 vjeç dhe synon përmirësimin e statusit shoqëror dhe krijimin e kushteve për adresimin e nevojave të tyre në fushat që përbëjnë interes rinor. Efekti financiar për vitin 2019 nga zbatimi I këtij ligji  shkon në 868 mln lekë, nga të cilat 468 mln lekë do të financohen nga buxheti, ndërsa 400 mln lekë janë të pambuluar.

Ola Mitre/SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.