Tani që Trump humbi, çfarë do të ndodhë me Partinë Republikane?

Për katër vjet ai komandoi besnikërinë e tyre të palëkundur. Ata e mbrojtën atë nga shkarkimi, aprovuan në heshtje ndërsa fëmijët në kufi ndaheshin nga prindërit e tyre dhe vendoseshin në kafaze, dhe shikuan në anën tjetër ndërsa amerikanët që protestonin paqësisht u qëlluan prej policisë.

Tani, në fundin e presidencës së Donald Trump, pasi presidenti refuzon të pranojë fitoren e Joe Biden, Republikanët që dikur qëndronin krah për krah me njeriun që riformoi partinë e tyre politike sipas vullnetit të tij, po përpiqen të distancohen nga pretendimet e tij të pabazuara se zgjedhjet po i vidhen.

Kjo lëkundje e senatorëve, kongresmenëve, guvernatorëve dhe zyrtarëve të tjerë të zgjedhur – që vijnë vetëm pasi kauza e Trump u duk e humbur – paralajmëron një betejë të afërt për drejtimin e ardhshëm të partisë Republikane.

“Trumpizmi do të mbetet sepse Trump është një figurë e famshme në bazën e tyre. Kjo ka qenë gjithmonë pragmatike për shumë republikanë ”, tha Jason Stanley, profesor i filozofisë në Universitetin e Yale dhe autor i bestsellerit Si funksionon fashizmi: Politika e Ne dhe e Ato.

“Ka një pjesë të partisë Republikane që e mbështet atë kryesisht sepse ai është Trump. Dhe pastaj një grup tjetër po e mbështet atë sepse ai po shtyn politikat radikale të djathta. Unë pres që partia republikane do të ketë përparësi për çfarëdo mekanizmi që u nevojitet për të mbizotëruar gjykatat, për të marrë votën, për t’u siguruar që ata të munden, si një parti e pakicës, të qëndrojnë në kontroll të levave të qeverisë.”, vazhdoi Stanley.

Mbetet për t’u parë nëse republikanët e moderuar që kanë qenë kritikë ndaj Trump, të tillë si Mitt Romney, senator për Utah, do të ndikojnë kur partia të hartojë rrugën e saj drejt pushtetit.

Të tjerë republikanë ndërkohë, janë ende në bordin e trenit Trump, edhe pse ai ka dalë nga binarët, duke përfshirë DeSantis, Cruz, Cotton, senatorin e Karolinës së Jugut Lindsey Graham dhe apologjetë si Newt Gingrich, ish-kryetari i Dhomës dhe Rudy Giuliani, ish-kryetari i New York-ut dhe avokati personal i Trump-it. Një gjë është e sigurt: Gara do jetë e fortë!

Dosti Banushi – SCAN
Burimi: The Guardian

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.