Tatimet takim me sipërmarrësit në Vlorë e Lezhë – Diskutohet për aksionin anti-informalitet dhe procedurat e rimbursimit për bizneset

DRT Lezhë dhe Vlorë zhvilluan takime me përfaqësues të fushave të ndryshme të biznesit si prodhimi, import-eksporti, fasoneri etj.  Takimet janë ndërmarrë në kuadër të aksionit anti-informalitet dhe kishin në fokus shkëmbimin e opinioneve dhe rritjen e shkallës së bashkëpunimit midis palëve.

Diskutimi i problematikave të kontrolleve në terren, mangësitë në mbajtjen e dokumentacionit tatimor, procedurat e rimbursimit, rritja e shkallës së informimit të subjekteve dhe deri te regjistrimi e çregjistrimi i tyre ishin disa nga çështjet kryesore të diskutuara në këto takime.

Në përfundim përfaqësuesit e biznesit vlerësuan takimet e kësaj natyre si shumë të rëndësishme për rritjen e nivelit të bashkëpunimit midis administratës tatimore dhe biznesit në funksion të rritjes së formalizimit të ekonomisë.

os.de/SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.