Të gjesh një punë që të bën të lumtur! Këshilla për hapat e karrierës
Shumë njerëz ndihen me fat, për faktin se kanë punuar në disa prej kompanive, apo institucioneve më të mëdha, duke kaluar kalvarë të pafundmë përpjekjesh e ndryshimesh, deri në momentin që janë ndjerë të plotësuar përfundimisht. Ata mund të kenë kaluar, nga një kompani e vogël, në një më të madhe, e më pas, në ndonjë tjetër, ende më të madhe, duke prekur pastaj edhe ato, për të cilat vite më parë ka qenë një ëndërr. Çdo herë kur dikush ndërron një vend pune ndjehet sikur ka kaluar nëpërmjet një procesi, i cili e ka dërguar atë në vendin e duhur, në kohën e duhur, në kompaninë, apo institucionin e duhur. Gjatë këtij rrugëtimi, secili prej individëve përshkues mund të veçojë disa pika, të cilat kanë ndihmuar në kalimin e tij, në sukses.
Kuptoni atë çfarë kërkoni
Një prej provave më të vlefshme që mund të kaloni është përcaktimi i asaj çka ka vërtet rëndësi për ju; për kërkesat tuaja ndaj vetes. Çfarë kërkoni nga vetja, në atë pozicion që synoni? Për shembull: dëshironi të bëheni drejtues i lartë, apo punonjës me privilegje, e pa shumë përgjegjësi mbi shpatulla? A është paraja, gjëja më e rëndësishme që kërkoni prej atij vendi pune? A dëshironi të udhëtoni? Doni të punoni nga shtëpia? Sa e rëndësishme është të ndërroni vend pune? Nëse u keni dhënë përgjigje me veten tuaj, këtyre pyetjeve, atëherë lëvizja që do bëni do të jetë më e studiuar dhe më e menduar. Kjo nuk është një qasje që mund të funksionojë në çfarëdo lloj situate, por ajo që është e përbashkët këtu është se gjithsecili nga ne ka një listë me kërkesa dhe kuptimi i tyre është “çelësi” i suksesit.
Vlerësoni mjedisin dhe kolegët, përpara se të vendosni
Në momentin kur ju mendoni se sa kohë shpenzoni në një vend pune, me kolegët, është shumë e rëndësishme për të patur rreth vetes njerëz, me të cilët është një kënaqësi të punosh. Këtu, nuk bëhet fjalë për njerëz, me të cilët, vetëm mund të qeshësh dhe të bësh gallatë, por me individë, me të cilët mund të ndërtojnë një mjedis sfidues, si për ty, por edhe për të gjithë ata që ndajnë ditën e punës, si dhe për t’ju frymëzuar për të nxjerrë më të mirën prej jush. Shpenzoni kohë, për të njohur të gjithë ata që do punojnë me ju dhe mundohuni të kuptoni, se si ata mund t’ju bëjnë më të mirë, ose si mund t’i bëni ju ata më të mirë. Mendoni gjithashtu edhe për atë që mund të jetë një pikë referimi për ju, në kompani.
Mos u tregoni shumë të ngutur
Kur ju keni vendosur se është koha për të bërë një ndryshim, jini të duruar! Bëni shumë takime dhe njihni njerëz. Zgjeroni rrjetin tuaj dhe zbuloni se çfarë dëshironi të bëni, e më pas gjeni vendin që ju mundëson të bëni më të mirën tuaj. Ideja nuk është, për të gjetur një vend pune, në moment, por për të gjetur vendin e duhur, rolin e duhur, në kohën e duhur, me njerëzit e duhur. Ju mund të gjendeni në një moment, kur duket se puna juaj është bërë e mërzitshme. Ky mund të jetë një moment i vështirë, por ju nuk duhet të nxitoheni për të marrë vendime të pamenduara mirë. Bëni më të mirën, për të gjetur një rol që ju motivon dhe ju frymëzon. Ju, (mbase) nuk do të donit, në të vërtetë, për t’u larguar nga vendi i punës që keni, por doni të gjeni diçka që t’ju rinxisë frymëzimin.
Mos kini frikë të provoni diçka ndryshe
Shumë njerëz janë kuriozë nga natyra dhe dëshirojnë të provojnë gjëra të reja; të zgjerojnë rrjetin e tyre të të njohurve dhe të mësojnë prej njerëzve të rinj që takojnë. Të provuarit e diçkaje të re mund të jetë një eksperiencë e bukur, e sidomos kur bëhet fjalë për të zbuluar dhe mësuar aftësi të reja te vetja. Mos pretendoni për diçka të madhe, për ta arritur shpejt, sepse nuk mund të jetë aq e lehtë, por mendojeni si një efekt “domino”, që mund të pasojë në një situatë që mund të vijë njëherë në jetë.
Vendosni frymëzimin, përpara pozicionit të punës
Shumë njerëz, në shumë raste, vendosin të ndryshojnë vend pune, vetëm për shkak të prestigjit që të ofron titulli. Ky është një perceptim shumë i rremë për të ndërtuar një karrierë të suksesshme. Titujt nuk mund të merren me vete midis kompanive dhe, për të qenë të sinqertë, “ajo çka bën” dhe “si e bën” do të thotë më shumë, sesa titulli, poshtë firmës suaj. Nëse gjendeni duke punuar me njerëz, të cilët nuk duan t’ia dinë për tituj, atëherë kjo është një shenjë e mirë se ju jeni duke u drejtuar te vendi i duhur.
Mendoni “sikur”
Në momentin kur keni vlerësuar të gjitha mundësitë që keni marë parasysh, ju, gjithashtu duhet të mendoni edhe për një moment. Përpara se të ndërmerrni vendimin tuaj, gjeni pak kohë për të menduar “sikur” jeni tashmë te ai vend pune. Shpenzoni një fundjavë, duke bërë disa prej punëve dhe detyrave që mund t’ju kërkohen te vendi i ri i punës. Punoni mbi projekte, të cilat mund të bëni, në momentin kur do të jeni në rolin tuaj të ri. Pasi i keni bërë këto mendoni: A po ju pëlqen ajo që po bëni? Nëse përgjigjja juaj do të ishte “jo”, atëherë nuk po bëni gjënë e duhur për ju.
Jini aktivë në planin tuaj të zhvendosjes
Pasi të keni marrë vendimin se do të lëvizni nga ai vend pune, ju duhet të luani një rol aktiv, në të qenurit i sigurt se plani juaj i zhvendosjes bëhet për të hedhur një hap tjetër, më të madh, në karrierën tuaj. Mos i lini në baltë njerëzit, nga të cilët po largoheni. Gjeni kohë për t’u siguruar se njerëzit që do të vijnë pas jush, në vendin që ju latë bosh, të jenë gati për të ecur përpara, pa pasojë për kompaninë. Zhvendosja, nga një vend pune në tjetrin, në një mënyrë, apo në tjetrën, paraqet një mundësi shumë të mirë pune për dikë tjetër. Nderojini ata dhe respektoni përparimin e tyre, në mënyrë që ata të jenë të përgatitur, për të mbajtur mbi shpinë, çdo gjë që ju keni lënë pas. Mos harroni: gjithmonë lërini gjërat, më mirë seç i keni gjetur ato!
Nga Renato Hysenllari/ SCAN Magazine
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.