“Të paguhen të gjithë punonjësit”, Gjika: Qeveria të mos bëjë diferencime

Bizneset kërkojnë nga qeveria që të mos bëhen diferencime në mbështetjen financiare të punonjësve, për të perfitojnë edhe ato individë që kanë qenë në punë normalisht si dhe ata që janë të pasiguruar, për të tejkaluar situtën e vështirë ekonomike të krijuar nga COVID-19. Në një intervistë në Skype për SCAN, kreu i fasonistëve të Shqipërisë, Gjergji Gjika thekson se paketa mbështetesë e qeverisë nuk është gjithëpërfshirëse.

Nga ana tjetër , ai vlerëson vendimin për nisjen e aktivitetit normal, për një sërë subjektesh në vend.

Nga dita e hënë, pas disa javësh të mbyllur, kanë hapur dyert një sërë biznesesh në kryeqytet, të cilët kanë rigjallëruar disi jetën, pas masave të marra ndaj COVID-19. Ndërkaq nga java tjetër, pritet një vendim i radhës së qeverisë, për të lejuar ushtrimin e aktivitetit për subjekte të tjera të cilat vijojnë të jenë të kyçura.

Elisabeta Dosku/SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.