Teknologjia në zgjedhje – OSBE: Më mirë numërimin elektronik, SHBA: Mos humbni kohë

Në drejtimin e ambasadorit të OSBE në Tiranë, Bernd Boschard, është zhvilluar konferenca ndërkombëtare teknologjitë e reja të votimit. Në fjalën e tij Ambasadori i OSBE-së tha se futja e teknologjisë në procesin e votimit ul problemet. Duke u ndalur te propozimet konkrete ambasadori tha se për Shqipërinë është më mirë futja e numërimit elektronik se sa e votimit.

“Ka rreziqe në përdorimin e teknologjive të reja të votimit dhe të gjitha duhet të merren parasysh. Teknologjitë e reja të votimit nuk mund të krijojnë besim dhe nuk mund të zëvendësojnë besimin te sistemi zgjedhor. Por unë ju rekomandoj të shqyrtoni numërimin elektronik, i cili nuk do të kërkonte shpenzime financiare të pamata, do të ishte offline, pra nuk do të sulmohej lehtë nga piratët e kibernetikës, si dhe mund të kontribuonte në depolitizimin e një pjese të administratës zgjedhore”, tha Boschard.

Ambasadori Amerikan në Tiranë, Donald Lu, tha se nëse do të vendoset futja e teknologjive në zgjedhjet e radhës në 2019, palët të fillojnë menjëherë nga puna.

“Procesi elektronik nuk I problemet e votës në Shqipëri, duhen të plotësohet rekomandimet e OSBE/ODIRIT. Nëse do vendosni përdorimin e votimit elektronik në zgjedhjet e 2019, nuk duhet të prisni deri verën e ardhshme, pasi më vonë do të jetë dështim”, u shpreh ambasadori Lu.

Rekomandimet që dolën nga kjo konferencë ndërkombëtare e nivelit të lartë do t’i dorëzohen edhe Kuvendit të Shqipërisë.

Arbër Hitaj/SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.