Titujt ekonomikë të gazetave 27 korrik 2017

SHEKULLI

-Legalizimet, si hipotekohen pallatet. Kreu i ALUIZNI-t, Artan Lame flet për etapat që do të ndiqen për dhënien e tapive për 30 mijë apartamente

-Miratohen kreditë e buta, 997 familjet që përfitojnë

-Bashkia miraton rritjen e çmimit të ujit me 2 votat e LSI-së. Protesta, jo rritje çmimi për 3 orë ujë të ndotur. Tarifa e ujit në Tiranë, 6 herë më e lartë se parimi matës

-Analizë/Çmimi i ujit dhe lehtësia e papërballueshme e qeverisjes

-Plasin ujërat e zeza në Ksamil, ikin pushuesit

-Durrës/Tenderi që sëmur mjekë e pacientë

PANORAMA

-Rritet çmimi i ujit, sa do paguajmë me tarifën e re nga janari. Kategoritë që do të kompensohen, Veliaj: E morëm Tiranën me 7 orë ujë në ditë. Bregasi: Mbështesim projektin, të shëndoshen financat e UKT. Kundër rritjes së çmimit, qytetarët protest para bashkisë

-Ndahen kreditë e buta, ja emrat e 999 familjeve. Në shtator i shtohen listës së përfituesve edhe 500 banorë të qytetit

-Ultimatumi nga Franca, kthehen 31 azilkërkues shqiptarë, masa në kufi. Aida hajnaj: Asnjë kërkesë politike apo ekonomike nuk do të pranohet. Drejtoresha e kufirit flet nga Rinasi: vendet e BE do të refuzojnë të gjtiha kërkesat nga shtetasit shqiptarë

-Skandal në plazhin e Ksamilit, ujërat e zeza vërshojnë në det. Kreu i Ujësjellësit: projekti është në periudhën e garancisë. Qytetarët kanë të drejtë të kërkojnë çfarë u është dëmtuar

-Pensioni i naftëtarit, ISSH hap procesin e aplikimit. Hado: Nis dhënia e vërtetimeve të posaçme të vjetërsisë në punë. Përfitojnë 5 mijë persona, kreu i ISSH-së sqaron procedurat e reja

GAZETA SHQIPTARE

-Lame: Në 4 vitet e ardhshme mbyllet historia e legalizimeve . Kreu i ALUIZNI-t: Renditemi të fundit për korrupsion

-Rritet çmimi i ujit, Veliaj: Pas 5 vitesh furnizim pa ndërprerje. PD “kundër”, 2 përfaqësues “tradhëtojnë” LSI. Luan Rama: LSI nuk votoi për rritjen e çmimit të ujit. Këshilltari i PD, Kraja: Sa do të rritet uji, do shkojë fatura deri në 36 mijë lekë

-Kreditë e buta, publikohen emrat e 977 familjeve që përfitojnë. Komisioni i Strehimit pranë Bashkisë së Tiranës ka miratuar listën. Vetëm 1.165 aplikime kanë qenë të plota me të gjithë dokumentacionin e kërkuar

-Riatdhesohen nga Franca e Belgjika 31 shqiptarë, s’kishin qendrim të rregullt. Drejtorja e Kufirit; Shanset për azil janë zero

SHQIPTARJA

-Këshilli Bashkiak miraton rritjen e çmimit të ujit për Tiranën. Me votimin pro nga ana e dy këshilltarëve të LSI-së kaloi rritja në 65 lekë/m3. Veliaj: I hapet rrugë furnizimit të Tiranës me 24 orë. -Këshilltari i PD-së, Fabian Topollaj: Vendimi nul, çmimi i ujit nuk është rritur. Qytetarët protestojnë para bashkisë kundër rritjes

-Procedurat/ Rritja e çmimit të ujit është bërë fshehurazi, kërkesa para 30 qershorit? Nëse nuk e ka bërë, votimi i djeshëm në Bashki është jashtë afatit

-Reportazh/ Korça 24 orë ujë në ditë, çmimi i njëjtë prej 15 vitesh. Qytetarët korçarë paguajnë ujin me 65 lekë metri por shprehen shumë të kënaqur nga shërbimi

-Këshilli Bashkiak i hap rrugën ndërtimit të 17 shkollave

-Amnisti kush rrëfen për aferat dhe paratë e kolegëve. Hyjnë në fuqi ndryshimet në Kodin e Procedurës Penale, ja rregullat e reja për hetimin dhe ndëshkimin e korrupsionit

-Banka e Shqipërisë: Sasia e parasë jashtë bankave 8.8 % më shumë. Tregu informal ofron gjithnjë e më shumë financim për sektorët e ekonomisë dhe familjet

-6 mujori/ Të ardhurat në buxhet u rritën me 7 %. Fushata zgjedhore nuk dëmtoi financat

-Ksamil, pastrohet nga ujërat e zeza qyteza, bllokohet tubi i çarë. Forcat e Armatosura dhe punonjësit e bashkisë normalizojnë gjendjen

-Kreditë e buta, ja emrat kush do të përfitojë. Përfitojnë rreth 999 familje kredi me interes 3%. Në shtator 500 përfitues të tjerë

-Turizmi/Nis trajnimi i bashkive bregdetare për ndihmë shëndetësore

-Bujqësia/Kalben mijëra ton me shalqinj në Lushnje, shkak mungesa e tregut

-Prishja e 2 godinave në Drimadhes, proteston Greqia

MAPO

-Këshilli Bashkiak, aleanca e dy këshilltarëve të LSI me PS rrit çmimin e ujit në Tiranë. Uji e koncesionet/ Veliaj bën bashkë PS-LSI, konfirmohet bashkëpunimi në pushtetin lokal.

-Editorial/Edhe njëherë për tregun e ujit, të energjisë, të shëndetësisë dhe atë të arsimit

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.