Tjetër gazsjellës për në Europë – Greqia, Qipro dhe Izraeli nënshkruajnë marrëveshjen, gati në 2025-ën për 7 miliardë dollarë
Greqia, Qipro dhe Izraeli nënshkruan një marrëveshje për ndërtimin e një gazsjellësi nënujor 1900 kilometra të gjatë.
Ishin ministrat e energjisë së të tre vendeve që nënshkruan marrëveshjen e gazsjellësit në një ceremoni të veçantë në Athinë.
Pavarësisht se Turqia e kundërshton projektin, vendet synojnë që të përfundojnë financimin në 2022-shin si dhe ta përfundojnë tërësisht projektin në 2025-ën.
Projekti do të ketë për qëllim diversifikimin e burimeve energjetike në Europë. Janë qeveritë europiane ato që janë dakordësuar me Izraelin vitin e kaluar për të ndërtuar atë që njihet si “Eastmed”, pra gazsjellësi i mesdheut lindor, e që do të ketë një kosto të vlerësuar paraprakisht nga 6-7 miliardë dollarë.
Gazsjellësi projektohet të transportojë 10 mld metër kub gaz në vit, nga Izraeli në Europë, nëpërmjet Qipros, Greqisë dhe më pas Italisë.
SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.