‘Torta’ e fluturimeve ajrore në Shqipëri- Si ndahet tregu mes kompanive. Kryesojnë italianët, turqit në vend të dytë

Referuar të dhënave zyrtare në Autoritetin e Aviacionit Civil, shifrat tregojnë një numër prej 212 mijë pasagjerësh të cilët kanë udhëtuar gjatë muajit Mars për/ nga Aeroporti Ndërkombëtar i Tiranës. Rritja e numrit të pasagjerëve është me 10.34%.

Autoriteti bën të ditur se bazuar në të dhënat rezulton se kompania ajrore “Blue Panorama” mbetet mbizotëruese në treg duke mbuluar fluksin më të madh të lëvizjes së pasagjerëve për muajin Mars 2019, me një numër prej 48 mijë e 328 pasagjerësh ose 23% të totalit. Në vend të dytë është Ernest S.p.A me 18% ndaj totalit dhe 37 mijë e 291 pasagjerë, duke vijuar me AlbaËings e cila zotëron tregun me 10% dhe 21 mijë e 619 pasagjerë.

Grafiku i mëposhtëm pasqyron fluksin e pasagjerëve që kanë udhëtuar përgjatë muajit Mars 2019, të ndarë sipas kompanive ajrore.

Përqindjen më të madhe në tregun e transportit ajror për muajin Mars 2019 vazhdon ta zotërojë Italia, duke zënë 58% të totalit dhe një numër prej 121 mijë e 337 pasagjerë, ndjekur nga Turqia, me 11%. Gjithashtu përgjatë muajit Mars, Hungaria dhe Austria zotëron 6% të tregut tonë.

SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.