Tregtonin mallra pa faturë dhe me vula të falsifikuara –  Policia arreston dy shtetas në Lezhë

Policia Shtetit ka njoftuar arrestimin e  2 shtetasve në Lezhë të cilët tregtonin artikuj industriale pa faturë e dokumente si edhe me vula e stampa të falsifikuara.

Policia njoftoi se nga hetimet disa javore të ndjekura nga Seksioni kundër krimit ekonomik dhe Prokuroria e Rrethit Gjyqësor Lezhë pas informacioneve të siguruara në rrugë policore, u bë realizimi i operacionit “Fake grains” me arrestimin e shtetasve A.N. 50 vjeç dhe E.B. 34 vjeç , banues në Tiranë.

Sipas njoftimit, këta shtetas në Lezhë, u kapën me mjetin e tyre me një sasi artikujsh për t’i tregtuar në lokalet e qytetit të Lezhës. Policia tha se malli i bllokuar dyshohet pa asnjë dokument shoqërimi apo faturë tatimore, me vula e stampa të falsifikuara, pasi të drejtën e pronësisë së tregtimit të asaj marke e ka një shoqëri tjetër tregtare e regjistruar.

Policia e Shtetit njoftoi se shtetasit akuzohen për veprat penale: “Shkelje e të drejtave të pronësisë industriale”, “Fshehja e të ardhurave”, “Prodhim i kundërligjshëm i artikujve dhe mallrave industrialë e ushqimorë”, “Manipulim i tregut” dhe “Falsifikim i vulave e stampave”.

SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.