Tregu i mediave, lider në rajon – AMA: Xhiro vjetore arrin deri në 150 milionë euro
Tregu i mediave audiovizive në Shqipëri konsiderohet si lider në rajon sa i përket xhiros vjetore dhe ecurisë që ka pasur, megjithatë ka ende vend për zhvillim. Gjatë prezantimit të raportit vjetor në Komisionin Parlamentar për Edukimin dhe Mjetet e Informimit Publik, Kryetari i Autoritetit të Mediave Audiovizive, Gentian Sala ka theksuar se xhiro vjetore arrin në 150 milion euro, ndërsa vuri në dukje se ka pasur ecuri pozitive sa i prëket procesit të dixhitalizimit.
Në përgjigje të pyetjeve të deputetëve, Sala theksoi se pirateria vijon të mbetet një problem, megjithëse është reduktuar dhe ka pasur ndërgjegjësim. Aktualisht problematika më e madhe është në median online, për të cilën janë parashikuar të merren masa.
Në raportin e vitit 2017, për herë të parë AMA disponon të dhëna të sakta për mediat dhe numrin e punonjësve, ndërsa viti është mbyllur me një mirëmenaxhim të të ardhurave dhe aktualisht ky institucion është tërësisht me vetëfinancim.
Elisabeta Dosku/SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.