TVSH, 3 muaj “provim” – Ulja e pragut, 4 sfidat deri në vetëdeklarimin e 14 korrikut

Vetëdeklarimi i parë i rreth 11 mijë bizneseve që u përfshinë në skemën e TVSH-së do të bëhet më 14 korrik të këtij viti. Sipas administratës tatimore, biznesi do ta ketë shumë të lehtë përshtatjen e procedurave të reja të vetëdeklarimit, të cilat janë të ngjashme me ato të deklarimit të sigurimeve shoqërore, ndërkohë që nga 1 prilli është njohur me faturat e reja me TVSH, ashtu si dhe me formatin e ri të kasave fiskale.

Sfidat deri më 14 korrik, gjithsesi nuk do të jenë të lehta. Pikëpyetjet lindin që me aftësinë e biznesit për të përshtatur procedurat e reja, te aftësia e administratës tatimore për të përballuar fluksin e shtuar të biznesit me TVSH, rreziku i shtimit të kostove për shkak të kontraktimit të detyruar të kontabilistëve, deri te suksesi i uljes së evazionit, që ishte edhe qëllimi kryesor i uljes së pragut të TVSH për biznesin e vogël.

Zëvendësdrejtori i përgjithshëm i tatimeve siguron se janë të gjitha masat për përballuar fluksin nga kjo administratë, por edhe për të instruktuar bizneset lidhur me procedurat e reja.

Lorenc Rabeta/SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.