Udhëheqësi në botën e diamanteve do të zbulojë koleksionin e ri të gurëve të çmuar në 2019-ën

Udhëheqësi i botës në minierat e diamanteve, Alrosa e Rusisë, po planifikon të zbulojë një koleksion të ri gurësh të çmuar vitin e ardhshëm, sipas shefit ekzekutiv të kompanisë, Sergej Ivanov.

“Ne po planifikojmë ta bëjmë këtë. Ne po shqyrtojmë një sërë konceptesh për prerjen e disa xhevahireve unikë. Do të njoftojmë projektet e reja vitin e ardhshëm”.

Koleksioni i ri nuk ka marrë ende një emër, tha Ivanov, duke theksuar se emri është me të vërtetë i rëndësishëm dhe duhet të jetë i përshtatshëm për gurët e çmuar.

Vitin e kaluar, Alrosa vendosi për ankand një koleksion unik prej pesë diamantesh të prerë nga një diamant i përafërt prej 179 karatësh i cili u gjet në Republikën e Sakait (Yakutia) në vitin 2015.

I ashtuquajturi ‘Koleksioni i Dinastisë’ përfshinte gur prej rreth 51.38 karatësh secili, të konsideruar si “diamantet më të pastër të të gjithë prodhimeve në të gjithë historinë e bizhuterive ruse”.

E.Z/SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.