Ushqime të skaduara dhe të pasigurta për konsum – AKU asgjëson rreth 24 ton produkte në 24 orët e fundit

Trupat inspektuese të AKU-së kanë vijuar edhe gjatë 24 orëve të fundit 330 inspektime dhe monitorime në terren në të gjithë vendin.

Sipas njoftimit gjatë inspektimeve është dhënë një masë administrative ndaj një subjekti për tregtim të ushqimit të pasigurtë si dhe janë asgjësuar 23.899 ton produkte ushqimore të cilave u kishte kaluar afati i përdorimit me kërkese të vetë subjektit.

AKU bën me dije se vijohet të këshillohen subjektet ushqimore që të respektojnë me rigorozitet protokollin e sigurisë kundër përhapjes së Covid-19 si dhe bazuar në Planin e Marrjes së Mostrave, janë marrë 50 mostra në monitorimin e qumështit, si dhe në perime për monitorim pesticidesh.

AKU është e pranishme çdo ditë në terren në garantim të sigurisë ushqimore dhe shëndetit të konsumatorit.

SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.