Konferenca për rimëkëmbjen ekonomike nga pandemia – Denaj: Vëmendja e qeverisë do të jetë tek nxitja e reformave për të zhvilluar SME-të dhe StartUp-et!

Ministrja e Ekonomisë Anila Denaj ka njoftuar hapjen e Konferencës të organizuar për Këshillat e Investimeve dhe Sfidat e COVID-19, me Zv/Presidentin e parë të BERZH, Rigterink dhe Zv/Kryeministren e Gjeorgjisë, Tskitishvili gjatë të cilës u diskutua mbi përballimin e situatës dhe rimëkëmbjen ekonomike nga pandemia, rolin e Këshillit të Investimeve në Shqipëri dhe mbështetjen e BERZH për sektorin privat.

Sipas Denaj nxitja e reformave ekonomike për të zhvilluar SME, Start Up duke mundësuar rritjen e konkurrueshmërisë, cilësisë dhe efektivitetit do të jetë në qendër të masave të ardhme të Qeverisë.

Ministrja ka bërë me dije se roli i politikave në ndihmë të digjitalizimit dhe ekonomisë së gjelbër, mbetet i një rëndësie të veçantë për avancimin e aktivitetit të sipërmarrjes shqiptare, me ndihmën edhe të BERZH përmes shërbimeve të konsulencës për bizneset, të dedikuara në veçanti drejt automatizimit dhe inovacionit. “Në Këshillin e Investimeve, në fund të kësaj javë do të diskutojmë masat e ardhshme për ekonominë, modelet e zhvillimit dhe masat për amortizimin e ndikimeve të COVID-19.”

E . S / SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.