Vërtetimi për lidhjet e ujit – Nga 31 janari të gjithë qytetarët do ta marrin në sportelet e Ujësjellës Kanalizimeve

Të gjithë qytetarët e Shqipërisë duke filluar nga data 31 janar do të mund të marrin vërtetimin e lidhjeve të ujit pranë Ujësjellës Kanalizimeve.

Përmes një njoftimi zyrtar, Drejtoria e Përgjithshme e ALUIZNI-t është shprehur se për të përfituar këtë shërbim, qytetarët e interesuar mund t’i drejtohen sporteleve të Ujësjellës Kanalizimeve të qytetit të tyre.

Kjo marrëveshje u bë fillimisht për abonentët e UK-së që kanë objekte në proces legalizimi në Bashkitë e Tiranës, Kamzës dhe Vlorës. Por, prej kësaj date tashmë do të fillojë të zbatohet në të gjitha qytetet e Shqipërisë.

Sipas Drejtorisë së përgjithshme të ALUIZNI-t, kjo bëhet për t’iu ardhur në ndihmë qytetarëve dhe për të pakësuar numri e dokumenteve që ju kërkohen për shërbime të ndryshme.

G.D/SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.