“Vetting”/Këtë javë në filtër të mëdhenjtë e Gardës së Republikës dhe Policisë së Shtetit! Kush do të dalë në seancë dëgjimore

Kjo javë pritet të jetë një javë intensive për “vetting-un” në Policinë e Shtetit dhe Gardën e Republikës.

Këtë të mërkurë është parashikuar të zhvillohet seanca dëgjimore me Gramoz Sakon, me funksion Komandant i Gardës së Republikës së Shqipërisë. Seanca për Sakon është parashikuar të zhvillohet në orën 10:00 dhe trupa e vlerësimit përbëhet nga Mirela Ujkani (Miti), Alban Laska dhe Artur Baku.

Po të mërkuren është parashikuar të zhvillohet seanca dëgjimore me Gledis Nanon, Drejtor i Drejtorisë së Antiterrorit në Drejtorinë e Përgjithshme të Policisë së Shtetit. Seanca do të zhvillohet në orën 12:30 dhe trupi vlerësues përbëhet nga Nertila Sadedini, Adriana Meko dhe Arta Lleshi.

Ndërkohë, Drejtori i Përgjithshëm i Policisë së Shtetit Ardi Veliu do të zhvillojë me datë 6 shkurt ora 12:00 seancën dëgjimore. Në trupën e  vlerësimit bëjnë pjesë Mirela Ujkani (Miti), Alban Laska dhe Artur Baku.

Me datën 7 shkurt është parashikuar të zhvillohet seanca dëgjimore me Artan Shkëmbin me funksion Drejtor i Drejtorisë Hetimore Qëndrore, në Departamentin për Policinë Kriminale pranë Drejtorisë së Përgjithshme të Policisë së Shtetit. Seanca do të mbahet në orën 10:00 dhe trupa e vlerësimit përbëhet  nga Alban Laska, Artur Baku dhe Mirela Ujkani (Miti).

SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.