WhatsApp i bashkohet Youtube dhe Google Duo me opsionin “picture-in-picture”

Një prej veçorive më të spikatura të Android është “picture-in-picture(PiP).” Ky funksionalitet bën të mundur shfaqen e dy aplikacioneve njëherazi në ekranin e telefonin dhe operimin e tyre normal pas asnjë pengesë.

Aktualisht vetëm Youtube dhe Duo e kanë patur këtë veçori, dhe mesa duket WhatsApp është pranë adoptimit.

Sipas PcWorld, versioni më i fundit beta i aplikacionit, 2.17.265, tashmë e ofron këtë funksionalitet. Ndryshe nga Youtube, implementimi i WhatsApp nuk është dizenjuar thjesht për zbavitje siç është luajtja e një videoje por për kryerjen e disa proceseve njëherazi.

Ashtu si Google Duo, PiP përdoret nga WhatsApp për të mbajtur aktive një video thirrje pavarësisht asaj çfarë po bën përdoruesi.

Kur përdoruesit largohet nga WhatsApp, dritarja e video thirrje ngelet e hapur. Funksionaliteti është i aktivizuar automatikisht, mjafton të jeni një testues beta.

SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.