Zyrtari amerikan Hoyt Brian Yee në Tiranë, pritet të takohet me liderët politikë

Ashtu siç ishte njoftuar edhe më parë, ka mbërritur mbrëmjen  e djeshme në Tiranë zëvendës-ndihmës Sekretari Amerikan i Shtetit, Hoyt Brian Yee, ku do të takohet sot me zyrtarë të lartë të shtetit.

Konkretisht Yee në orën 10:30 do të zhvillojë një takim me kryeministrin Rama, ndërsa në  11:30 do të jetë në Kryesinë e Kuvendit, ku do të zhvillojë një takim me kryeparlamentarin Meta.

Rreth orës 14:45 zyrtari amerikan Hoyt Brian Yee do të jetë në selinë e PD, ku do të zhvillojë një takim me kryedemokratin Basha.

Zëvendës-ndihmës Sekretari Amerikan i Shtetit, Hoyt Brian Yee ndodhet në Tiranë për shkak të situatës politike në vend dhe vizita e tij po shihet si “mundësia e fundit” për zgjidhjen e ngërçit politik.

Osman Dedja/SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.