108 raste të reja me Covid-19. Ministria e Shëndetësisë: 3 persona e humbën betejën me koronavirusin

108 raste të reja të infektuara me covid-19  kanë rezultuar nga testimet në 24 orët e fundit. Ministria e Shëndetësisë dhe Mbrojtjes Sociale  informon se në spitalin Infektiv dhe spitalin “Shefqet Ndroqi” po trajtohen 126 pacientë, 22 janë në terapi intensive dhe 12 pacientë janë të intubuar.

“Gjatë 24 orëve të fundit janë kryer 477 testime për të dyshuar të prekur me COVID19, nga të cilat janë konfirmuar 108 raste pozitive. Gjatë 24 orëve të fundit janë shëruar 60 qytetarë duke e çuar numrin e të shëruarve në 2523 që nga fillimi i epidemisë.”
Ndërkohë gjatë 24 orëve të fundit  kanë humbur jetën 3 qytetarë

“Tre qytetarë nuk e kanë fituar dot betejën me sëmundjen, një 77 vjeçare dhe një 83 vjeçar nga Tirana me sëmundje bashkëshoqëruese dhe një 68 vjeçar nga Hasi pa sëmundje të tjera. Ministria e Shëndetësisë dhe Mbrojtjes Sociale i shpreh ngushëllimet familjarëve. Vijon të ketë rritje të të shtruarve në spital, megjithë të shëruarit që kanë lënë dy spitalet COVID në 24 orët e fundit.”

Sipas Ministrisë 60 qytetarë kanë lënë spitalin duke e çuar numrin e të shëruarve në 2523 që nga fillimi i epidemisë.

Nertila Doko / SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.