31 raste të reja me Covid – Numri i të shëruarve rritet në 33 pacientë

Në komunikimin e përditshëm të Ministrisë së Shëndetësisë, është bërë me dije se gjatë 24 orëve të fundit janë testuar 300 qytetarë ku kanë rezultuar pozitiv 31 raste të reja, duke e çuar në 1416 numrin total të të infektuarve në të gjithë vendin.

Rastet e reja janë përkatësisht: 8 raste në Tiranë, 6 raste në Pukë, nga 5 raste në Shkodër dhe Vlorë, nga 2 raste në Durrës, Krujë dhe Elbasan si dhe një rast në Lushnjë

Ministria e Shëndetësisë ka njoftuar se gjatë 24 orëve të fundit ka ndërruar jetë një pacient 71 vjeçar nga Durrësi.

Aktualisht në dy spitalet Covid janë të shtruar 48 pacientë ku 7 prej tyre janë në terapi intensive ndërsa rastet e tjera po monitorohen nga mjeku i familjes.

Gjatë 24 orëve të fundit janë shëruar 33 pacientë, duke e çuar në 1034 numrin total të tyre dhe ka akoma dhe 346 raste aktive.

Ministria e Shëndetësisë dhe Mbrojtjes Sociale apelon për qytetarët që të vazhdojnë të respektojnë distancimin fizik dhe të mbajnë higjienën personale, po ashtu bizneset e hapura të respektojnë me rigorozitet protokollet e sigurisë.

SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.