514 inspektime dhe monitorime gjatë 24 orëve të fundit – AKU asgjëson 10 ton produkte ushqimore në të gjithë vendin

Trupat inspektuese të Autoritetit Kombëtar të Ushqimit kanë realizuar 514 inspektime e monitorime në 24 orët e fundit, në garantim të sigurisë ushqimore, si edhe monitorime në kuadër të Taks-Forcës në përputhje të akteve normative kundër përhapjes së Covid-19

Sipas AKU gjatë inspektimeve dhe monitorimeve janë dhënë këshillime dhe orientime në disa operatorë të biznesit ushqimor në përmbushje të kërkesave ligjore të sigurisë ushqimore.

Në njoftim thuhet gjithashtu se gjatë monitorimeve është vërejtur së zbatohen në mënyrë rigoroze protokollet e sigurisë kundër përhapjes së Covid-19. Sipas AKU janë marrë 31 mostra në të gjithë vendin, si dhe janë asgjësuar 10 ton produkte ushqimore më kërkesë të vetë subjektit.

AKU bën me dije se do të vijojë punën në terren në garantim të sigurisë ushqimore dhe shëndetit të konsumatorëve.

SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.