Agjencia e Sigurimit të Depozitave i bashkohet nismës, përgjysmon pagat deri në përfundim të emergjencës së pandemisë
Këshilli Drejtues i Agjencisë së Sigurimit të Depozitave ka vendosur që Anëtarët e Këshillit Drejtues dhe Drejtori i Përgjithshëm i Agjencisë së Sigurimit të Depozitave, në përputhje me Vendimin e Këshillit të Ministrave nr. 267, datë 31.03.2020 “Për trajtimin e përkohshëm financiar mujor të disa funksionarëve dhe nëpunësve të administratës shtetërore gjatë periudhës së gjendjes së epidemisë së shkaktuar nga COVID-19”, të përfitojnë përkatësisht shpërblim mujor dhe pagë mujore neto në masën 50% të atyre aktuale.
“Në këtë mënyrë organet drejtuese të Agjencisë së Sigurimit të Depozitave solidarizohen me nismën e Byrosë së Kuvendit të Republikës së Shqipërisë në funksion të lehtësimit të përballimit të nevojave si pasojë e situatës së krijuar nga koronavirusi COVID-19 si dhe me masat e ndërmarra nga Këshilli i Ministrave dhe Presidenti i Republikës së Shqipërisë” njofton ASD.
SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.