Aksioni i AKU në Krujë – Konfiskon mish qengji dhe viçi pa certifikatë veterinare
Vazhdon aksioni për verifikimin e të gjitha thertoreve apo dyqaneve të mishit që tregtojnë pa kushte higjieno-sanitare dhe pa certifikatë veterinare.
Autoriteti Kombëtar i Ushqimit ka konfiskuar të martën një sasi prej 73 kg mish qengji dhe viçi në njësinë e tregtimit të mishit në rrugën e Spitalit në qytetin e Krujës.
Inspektorët e Drejtorisë Rajonale Durrës në bashkëpunim me inspektorët e Drejtorisë së Përgjithshme të Autoritetit Kombëtar të Ushqimit, kanë kryer inspektim në njësinë e tregtimit të mishit ne pronësi të shtetasit I.S, ku i janë gjendur 50 kg mishi qengji dhe 23 kg mish vici në mungesë të certifikatës veterinare, i pavulosur dhe tregtim të tij në kushte të rënda higjieno-sanitare.
Për këto shkelje të rënda ne bazë të legjislacionit në fuqi, inspektorët e AKU-së e kanë gjobitur me masën administrative me gjobë në vlerën e 150 mijë lekëve. Ndërkohë që po për të njëjtën njësi tregtimi në janar këtij viti, është marrë masë administrative me gjobë në vlerën e 100 mijë lekëve për tregtim jashtë kushteve higjieno-sanitare të produktit mish.
SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.