Analiza vjetore e KLSH, Leskaj: Gjysma e tenderave në 2017 u fituan nga vetëm 57 kompani
Korrupsioni i lartë me pronat dhe legalizimet, problemet me tenderat publikë, rishfaqja e detyrimeve të prapambetura dhe nevoja e uljes së borxhit publik.
Këto janë disa prej problemeve kryesore të evidentuara nga Kontrolli i Lartë i Shtetit në adresë të administratës publike. Në analizën vjetore të punës së këtij institucioni, Kryetari i KLSH Bujar Leskaj tha se gjysma e vlerës totale te tenderave, janë fituar nga vetëm 57 subjekte.
I pranishëm në analizën vjetore, Presidenti i Republikës Ilir Meta nxiti inspektorët e KLSH të vijojnë punën për rikthimin e besimit të publikut te institucionet shtetërore.
Në analizën e tij, kreu i KLSH Bujar Leskaj u ndal edhe te kostot shumë të larta me të cilat përballet shteti shqiptar për shkak të vendimeve të Gjykatës së Strasburgut.
Lorenc Rabeta/SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.