Analiza vjetore – ISHSH: Janë kryer më shumë se 25 mijë inspektime në mbarë vendin

Analiza vjetore e Inspektoriatit Shtetëror Shëndetësor ka rezultuar në përmbushjen e planit të 2018 në masën 93.2%.

Sipas njoftimit nga Ministria e Shëndetësisë dhe Mbrojtjes Sociale, gjatë vitit 2018 u kryen 25.705 inspektime në të gjithë vendin.
Gjithashtu janë vendosur edhe 305 masa administrative.
ISHSH njofton se ka kryer të gjitha inspektimet on line nëpërmjet sistemit e-inspection. Po ashtu, gjatë sezonit turistik është arritur minimizimi i situatave problematike shëndetësore, intoksikacioneve alimentare (me origjinë nga ushqimet apo hidrike).

Është bërë i mundur përmirësimi i kushteve higjieno sanitare në institucionet arsimore parashkollore e shkollore, përmirësimi i kushteve higjieno sanitare, rikonstruksioni në qendrat shëndetësore.
Sipas njoftimit janë hartuar dhe përditësuar një numër i konsiderueshëm i listë-verifikimeve të reja dhe bashkëpunime me Inspektoratin Qendror për hedhjen e tyre në portalin e-Inspection.

Inspektorati Shtetëror Shëndetësor gjithashtu ka qenë pjesëmarrës në disa Grupe Pune Ndërinstitucionale për hartimin e ligjeve dhe rregulloreve.

SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.