Apple do të ulë çmimet e iPhone-ve të rinj që dalin në vjeshtë! 3 modele të reja, 100 dollarë më pak për modelin që zëvëndëson Iphone X

Apple do të ulë çmimet e iPhone-ve të ardhshëm. Në vjeshtë pritet të hidhen në treg 3 modele të tjerë me dimensione të ndryshme. Parashikimin e bën analistja Katy Huberty e Morgan Stanley. Modeli më i vogël (5,8 inch) mund të kushtojë 899 dollarë, domethënë 100 më pak se aktuali iPhone X që do të zëvendësohet, shkruan ANSA.

Shifrën 999 dollarë duket se do ta prekë iPhone më i madh (6.5 inch) ndërsa versioni më i pritur dhe më ekonomik (6.1 inch me ekran Lcd) duhet të kushtojë mes 699 e 769 dollarë.

Sipas një analisti tjetër Ming-Chi Kuo, iPhone-t e 2019 pritet të kenë të përfshirë një kamera të tretë dhe inovacione të ndryshme në dizajn.

SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.