ASD organizon mbledhjen e 40-të të siguruesve të Evropës – Të pranishëm, 70 përfaqësues nga 28 juridiksione të ndryshme
Zhvillimet më të fundit rajonale dhe në juridiksione të veçanta lidhur me sigurimin e depozitave ishin edhe fokusi i mbledhjes së Komitetit Rajonal Të Europës, e organizuar nga Agjencia e Sigurimit të Depozitave në bashkëpunim me Shoqatën Ndërkombëtare të Siguruesve të Depozitave.
Kreu i përgjithshëm i ASD-së, Genci Mamani theksoi rëndësinë që kanë këto mbledhje, pasi jo vetëm që ofrojnë mundësi për shkëmbimin e eksperiencave, por njëkohësisht edhe për përfitimin nga praktikat më të mira në fushën e sigurimit të depozitave.
Takimi vjetor u përshëndet njëkohësisht edhe nga kreu i Bankës së Shqipërisë, Gent Sejkjo, i cili theksoi rëndësinë ë bashkëpunimit mes anëtarëve të rrjetit të sigurisë financiare si një element kyç në administrimin me efikasitet të sistemit financiar.
“Marrëdhënia ndërmjet Bankës së Shqipërisë dhe Agjencisë së Sigurimit të Depozitave është zhvilluar në mënyrë të vazhdueshme dhe përgjatë viteve ka marrë formën e një partneriteti dhe bashkëpunimi të qëndrueshëm, duke i mundësuar institucioneve tona të përmbushin misionet e tyre, që në fakt plotësojnë njëri-tjetrin”, u shpreh Sejko.
Mbledhja e organizuar për herë të parë në një vend jo anëtar të Bashkimit Europian ku merrnin pjesë 70 përfaqësues nga 28 juridiksione të ndryshme, u pasua edhe me një seminar teknik lidhur me “Planet e Kontigjencës, Menaxhimin e Krizave dhe Rastet e Ndërhyrjes së Jashtëzakonshme”.
Kështu, gjatë dy ditëve të seminarit teknik pjesëmarrësit patën mundësinë, përmes sesioneve teorike dhe praktike, të njiheshin dhe diskutonin me prezantimet dhe rastet studimore të ekspertëve nga Kanadaja, Kroacia, Greqia, Italia, Kosova, Holanda, Polonia, Rumania, Rusia, Turqia, Mbretëria e Bashkuar, Shtetet e Bashkuar si dhe Qendra Këshillimore e Sektorit Financiar të Bankës Botërore. Në të morën pjesë edhe zyrtarë të nivelit të lartë të Bankës së Shqipërisë dhe bankave të nivelit të dytë.
SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.