Asnjë deputet i pavaksinuar në Kuvend – Pas vendimit që Komisionet të punojnë “online”, ashpërson tonet opozita: Po zhduket parlamentarizmi
Është zhvilluar me tone të larta seanca e Kuvendit ku u përcaktua përbërja e komisioneve parlamentare si dhe mënyra e funksionit të tyre. Deputetet e Partisë Demokratike nuk kanë pranuar vendimin e mazhorancës që Komisionet të punonin online. Sipas opozitës, kjo i bën dëm parlamentarizmit pasi shmang debatin në komisione, në një kohë që situate pandemike në vend nuk është aq problematike.
Kreu i grupit Parlamentar të Partisë Socialiste Taulant Balla tha se vendimi për të zhvilluar online punën e Komisioneve është marrë në kuadër të situatës pandemike në vend, ndërkohë që bëri me dije se do vendoset një afat pas të cilit se asnjë prej deputetëve nuk do lejohet të hyjë në Kuvend pa certifikatën e vaksinimit.
Më herët Kuvendi ka miratuar edhe drejtuesit e Komisioneve të Përhershme Parlamentare, ku 3 i takojnë PD-së dhe 5 PS-së, ndërkohë që pjesë e tyre do të jenë edhe deputetët e LSI.
Lorenc Rabeta / SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.